一個個字︰第四輯

第四輯

南華︰早報或足球隊。我鐘意後者多D。
倪匡︰衛斯理，曾受嚴格中國武術訓練，並教導青少年錯誤科學知識。
倪震︰發現了新物種「毒瘤明」，並教導年青人說「yes!」，又把閃咭發揚光大。
吳剛︰（動詞）食炭、搽油；例句（1）︰你bbq唔買腸仔，要我地吳剛咩！（2）︰男人老狗帶住白花油，好似老人家咁吳剛？
伍晃榮︰因為佢，我地終於相信——波係圓既。
耶和華︰耶魯和華夏工專
三級片︰我唔睇呢d野，我只看唯美派閨房錄象，哼。
生抽王︰開門七件事之一
尋夢園︰香港的Penguin Classics，書名創意非凡，如《喵喵叫春》。
山頂︰每個山都有的東西
星展銀行保險箱︰最安全的地方——如果最危險的地方就係最安全的地方
烈火雄心︰唔係淫書名。
電盈︰8號仔，係發達既相反詞，仆直既同義詞。
出前一丁︰我認為係好食過公仔面的一種垃圾食物
杜雷斯︰兒童不宜的朱古力
董建華︰每個香港人都以為自己叻過佢；動詞，最惡毒既港式粗口。
董趙洪娉︰修辭學家，喜用反覆︰「洗手、洗手、洗手。」