幽幽默︰有雞先，定係有蛋先（一）

有雞先，定係有蛋先？（一）

撰文︰TSM

（一）

「有雞先，定係有蛋先？」呢個問題，可說是一個十分有用的問題。有用的問題往往都不是可以
輕易回答的（例如︰「點定義先？」、「係咪絕對？」之類），正正如此，它可以在日常生活中幫幫我們打圓場，或者扮扮野，請看下列個案︰

個案一︰花前月下

「花花，我真係好鐘意妳架」

「家明，我都好鐘意妳」

「咁究竟係因為妳鐘意我所以我先鐘意妳，定係因為我鐘意你所以妳先鐘意我？」

「重要嗎？這個只不過是有雞先，定係有蛋先的問題」

二人相視而笑，然後在漆黑一片的叢林消失。

個案二︰立法會

尊貴議員甲︰「究竟是因為冇民主，所以香港經濟咁差，定係因為香港經濟咁差，所以冇民主？」

尊貴議員乙︰「經濟與政治緊密聯繫，所以你呢個問題只係雞先同蛋先既問題。」

尊貴議員丙︰「請兩位議員唔好將經濟問題政治化，香港社會需要多一點和諧。」

尊貴議員丁︰「請議員丙唔好將政治問題非政治化。」

……

如此這般，直到lunch time。


個案三︰吹水會

陳阿狗︰「我常被一些哲學問題困擾，例如有雞先定係有蛋先的問題。」

王大貓︰「哲學問題就係咁啦，哈哈哈！我最近則被一群野雞困擾，哈哈哈！」

個案四︰小學

小朋友︰「老師，我問你一個問題，如果你答唔到我，咁你就做翻學生，唔好做老師啦」。

老師（過份自信）︰「放馬過來。」

小朋友︰「有雞先，定係有蛋先？」

這所學校從此多了一個小朋友，少了一個老師。

呢個咁有深度既問題或者套語是什麼構造的？點解可以咁有型既呢？

待續